29 жыл мурун ушул күнү советтик аскерлер ооган жергесинен толугу менен чыгып кеткен. 1979-жылы Афган өкмөтүнүн ар тараптан жардам суроосуна жооп кылуу максатында Советтик армия Ооганстанга киргизилген.
Оогандардын ошол кездеги лидери Хафизулла Аминди президент сарайында жок кылуудан башталган операция 10 жылдан кийин армиянын Ооганстандан чыгып кетүүсү менен аяктаган. Сексен миңдей аскер катышкан, он жылга созулган согушта СССР 14 миңдей жоокеринен ажыраган. Кыргызстандан барган жети миң чамалуу жигиттин 252си курман болуп, 1 миң 500ү жаракат алган. Төртөө ушул күнгө чейин дайынсыз.
Google Play
App Store