Президент Сооронбай Жээнбеков "Билим берүү жөнүндөгү" мыйзамга өзгөртүү киргизүү тууралуу" жаңы мыйзамга кол койду.
Жогорку Кеңеш бул мыйзам долбоорун 2018-жылдын 10-январында кабыл алган. Мыйзам мектептерди алты күндүк окуу жумалыгынан беш күндүк окуу жумалыгына которуу максатында кабыл алынды.
Тактап айтканда, "Билим берүү жөнүндөгү" Мыйзамдын 16-беренеси төмөнкүдөй мазмундагы 10-бөлүк менен толукталды: "Менчигинин формасына карабастан, жалпы билим берүү уюмдарында жетиштүү окуу жүктөмүнүн чегин эске алуу менен беш күндүк окуу жумалыгы белгиленет".
Мыйзам расмий жарыяланган күндөн тартып он күн өткөндөн кийин күчүнө кирет.
Google Play
App Store