Өткөн жылдын декабрына салыштырмалуу керектөө тармагындагы өсүш 1,4 пайызды түздү. Бул тууралуу Экономикалык статистика жана улуттук эсептер башкармалыгынын башчысы Эльвира Исенкулова билдирди.
Анын айтымында, январь-февраль айларында азык-түлүк жана алкоголдук ичимдиктердин баасы 1% га өскөн. Ошол эле учурда, жашылчалардын баасы 10,4%, алма 7,1%, картөшкө 4,9% жана сүттүн наркы 3,1 пайызга кымбаттаган.
Таттуу токочтор 2,7%, кум шекер 2%, кондитердик азыктар 1,1% жана ундун баалары 0,5 пайызга арзандаган. Ошондой эле, алкоголдук ичимдиктерге жана тамекиге болгон нарк 5 пайызга чейин көтөрүлгөн.
Google Play
App Store