Борбор калаадагы Ахунбаев көчөсүндө жайгашкан дүкөндөрдүн бирине кирип жардырам деп коркуткан киши "Йакын Инкар" экстремисттик тобуна мүчө болгону аныкталды. Бул тууралуу Бишкек ШИИБнин маалымат кызматы кабарлады. 

Билдирүүгө ылайык, окуя 12-мартта болгон. Түнкү саат үчтөр чамасында баштык көтөргөн белгисиз киши дүкөндү жардырарын айтып, коркутуп жатканы тууралуу Октябрь РИИБине кабар келип түшкөн. Аталган жерге барган райондук милиция бөлүмүнүн кызматкерлери 31 жаштагы Ош облусунун жаранын кармашкан. 

Анын колунан алынган баштыктан эч кандай жардыргыч зат табылган эмес. Окуя боюнча кылмыш иши козголуп, тергөө иштери уланууда.