Ажылык сапарына аттануу үчүн катталган жарандардын төлөмдөрүн кабыл алуу башталды. Аны Кыргызстан мусулмандар дин башкармалыгы билдирди. Быйыл ажылык сапарга кетүүчү каражат ар бир адамга 2 миң 890 долларды түзөт.
Ажылыкка аттангандар тизмеге туруу үчүн документтер менен бирге 500 доллар төлөп, андан кийин калган 2 миң 390 долларды 13-апрелге чейин которушу керек.
Бирок, Баткен жана Ош облустарынын айрым райондорунда каалочулар көп болгондуктан, жарандар тизме такталгандан кийин гана төлөмдөрдү которо алышат. Белгилей кетсек, 2018-жылы ажылык сапар үчүн Сауд Аравиясы Кыргызстанга 5 миң 400 орун бөлүп берген. Ал эми ажылыкка баруу үчүн өлкөдө 7 миңден ашуун адам катталган.
Google Play
App Store