Өзбекстандын чек арачылары тарабынан атылган кыргыз жаранынын окуясы боюнча Кылмыш-жаза кодексинин "Киши өлтүрүү" беренесине ылайык кылмыш иши козголду. Кылмыш ишин Жалал-Абаддын Аксы райондук ички иштер бөлүмү ачты.
Эске салсак, Кыргызстандын 34 жаштагы жараны Фархад Мырзакалыков 7-апрелде өзбек чек арачылары тарабынан ок жеп, каза тапкан. Расмий Бишкек окуяга байланыштуу Ташкентке нота жиберген.
Бул окуяны Премьер-министр Сапар Исаков өзбек өкмөт башчысы Абдулла Арипов менен 8-апрелде телефон аркылуу талкуулаган. Учурда эки тараптын тийиштүү органдары окуянын чоо-жайын иликтеп жатышат.
Google Play
App Store