Айнур Абдылдаева Юстиция министрлигине көрсөтүлүүдө. Буга байланыштуу Премьер-министр Сапар Исаков Жогорку Кеңешке өз сунушун жолдоду. Айнур Абдылдаева 2017-жылдын жай айларынан бери министрликте статс-катчы болуп эмгектенип келет.
Эскерте кетсек, буга чейин аталган министрликти жетектеп келген Уран Ахметов 2-апрелде иштен кеткен.
Өкмөттүн Аппаратынын башчылыгына Мурат Мукамбетовдун талапкерлиги каралды. Аталган талапкерди Жогорку Кеңештин конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитетинде өкмөт башчы Сапар Исаков сунуштады.
Комитет мүчөлөрү Мукамбетовдун талапкерлигин жактырышты. Мурат Мукамбетов Өкмөттүн Аппаратында 2003-жылдан бери иштейт. 2012-жылдан тарта Өкмөт Аппаратынын биринчи орун басары кызматын аркалап келген.
Бул кызматты буга чейин Нурханбек Момуналиев жетектеген. Ал 12-мартта кызматынан кеткен.
Google Play
App Store