Ош шаарынын борбордук аянтында «Жаркыра!» («Стань ярче!») аталышында акция болуп өттү. Бул тууралуу ОИИБдин Жол кыймылынын коопсуздугун камсыздоо бөлүмүнөн билдиришти.
Маалым болгондой, иш-чарага окуучулар, жол кыймылынын «Жаш тескөөчүлөр» командасы, мугалимдер, ЖКККБнын жана мэриянын кызматкерлери катышты. Анын жүрүшүндө окуучалар тарабынан уюштурлган оюн-зоок жана сынактар тартууланды. Жыйынтыгында акцияга катышкан бардык окуучуларга балмуздак жана суусундуктар таратылды. Мындан тышкары, сынактарда жеңүүчү болгон окуучулар ар кандай баалуу белектер менен сыйланышты.
Иш-чара жаш өспүрүмдөр арасындагы жол-транспорт кырсыктарын болтурбоо жана алдын алуу максатында уюштурлаган.
Google Play
App Store