Бажы кызматкерлери 30 миллион сомдук товарды аткезчилик жол менен Кыргызстанга өткөзүп жиберишкени аныкталды. Бул тууралуу УКМКнын маалымат кызматы билдирди.
Мекеменин Коррупцияга каршы күрөшүү башкармалыгынын кызматкерлери Жалал-Абад облусунда тиешелүү тартипте декларациядан өтпөгөн, ар түркүн үлгүдөгү мобилдик телефондор жүктөлгөн оор жүк ташуучу унааны кармашкан.
Иликтөөнүн жүрүшүндө товарларды Бажы кызматынын Түштүк-батыш бөлүмүнүн кызматкерлери көзөмөл пунктунан текшербестен каттоодон өткөзүп беришкени аныкталган. Учурда кылмыш иши козголуп, тергөө иштери уланууда.
Google Play
App Store