Куткаруучулардын күжүрмөн эмгеги менен жаратылыш кырсыктарына жол берилбей, алдын алуу иштери жүрүп жатат. Мына ушул куткаруучулардын талыкпаган аракети менен өзгөчө кырдаал учурунда жоготууларга жол берилген жок.
29-апрель күнү Сузактын Сары-Булак айылында ири көлөмдөгү жер көчкү сүрүлүп , Көк-Арт дарыясынын агымын толук бөгөп калган эле. Жеринде кооптуу абалды жоюуда кандай аракеттер көрүлүүдө?
Адистердин ырасташынча, топтолгон суу кокусунан жайылып кеткенде, дарыяны бойлой төмөн жакта жайгашкан Сузак менен Жалал-Абад шаарынын калктуу конуштарын суу каптамак. Бактыга жараша, чогулган суу өз нугун таап, акырындык менен чыга баштаган.
Ал эми чукул кырдаал катталаар замат, эң чоң коркунуч жаралган Жаңы-Ачы жана ага катарлаш башка айылдардын тургундарын убактылуу коопсуз жакка көчүрүп чыгуу иши колго алынган.
Google Play
App Store