Балбан Алинур Такиров Ташкентте өтүп жаткан күрөш боюнча уландар жана кыздар арасындагы Азия чемпионатында күмүш медаль тагынды.
Мекендешибиз 12-майда эркин күрөштөн 71 килограммга чейинки салмакта үч беттеш өткөрдү. Чейрек финалда индиялык Кумар Анкитти 2:0, ал эми жарым финалда казакстандык Исламбек Илязовду 9:0 эсебинде жеңип алды. Алтын байге үчүн таймашта ирандык Мохаммад Ашгар Ноходиларимиге жеңилип, күмүш медалга ээ болду.
Кадеттер арасындагы Азия чемпионаты 13-майда эркин күрөш боюнча таймаштар менен жыйынтыкталат. Ал күнү жети салмак боюнча балбандар байге талашат. Азия чемпионатында грек-рим күрөшү боюнча мелдеште Акыйкат Кулжигит уулу менен Бакдаулет Эгембердиев күмүш медаль, ал эми Элмирбек Садыров коло медалга ээ болду.
Google Play
App Store