Ордо калаада отургузулган ири көлөмдүү көчөттөрдү сатып алуу фактысы боюнча кылмыш иши козголуп, тергөө жүрүүдө. Улуттук коопсуздук кызматынан билдиргендей, бекитилген бюджеттик пландын негизинде ири көлөмдүү көчөттөрдү сатып алуу максатында 2017-жылдын май айында 60 миллион сом каралган.
2017-жыл аралыгында «Арт Грин» ишканасы менен жалпы суммасы 18 615 980 сомго барабар 4 келишим түзүлгөн. Мисалы 2017-жылы 23-октябрда бул ишкана менен көчөттөрдүн айрым түрлөрүн 9090 сомдон сатып алууга макулдашылган.
Мындан сырткары «АГТ Азия» ишканасы менен жалпы суммасы 9 млн сомго жакын эки келишим жана «Зиар Строй» ишканасы менен 14 млн 481 миң сомдук 6 келишим түзүлгөн.
Учурда кылмыш ишинин алкагында тамырлары жабык системасы менен ири көлөмдүү көчөттөрдү сатып алуу фактысы боюнча аудит жүргүзүлүүдө. Тергөө иши дагы жүрүп жатат.
Google Play
App Store