Борбордук шайлоо комиссиясы жекшемби күнү жергиликтүү кеңештерге болгон шайлоонун болжолдуу жыйынтыгын чыгарды. БШК төрагасы Туйгуналы Абдраимовдун айтымында, шайлоонун так жыйынтыгы 2-3 күндөн кийин белгилүү болот.
Өлкөнүн Ош, Каракол, Балыкчы, Токмок, Кемин, Майлуу-Суу шаарларында жана 22 айыл аймактарында жергиликтүү кеңешке шайлоо болду. Шайлоого 271 миң кыргызстандык катышты. Жергиликтүү кеңештерге болгон шайлоого - “Табылга”, КСДП, “Кыргызстан”, “Республика Ата-Журт”, “Өнүгүү-Прогресс”, “Замандаш”, “Партия справедливости и развития”, “Улуу Кыргызстан” "Мекеним Кыргызстан" жана “Бир Бол” партиялары катышты.
Акыркы жыйынтык бир нече күндөн кийин белгилүү болот. Мыйзам боюнча 7% босогодон өткөн партияларга гана жергиликтүү кеңештен мандат берилет. Алар өз кезегинде жергиликтүү бийлик өкүлдөрүн шайлайт деп сөзүн жыйынтыктады Абдраимов.
Google Play
App Store