Акыркы сутка ичинде республиканын аймагында 15 өрт кырсыктары катталды. Аларды өчүрүүгө 15 бөлүм жөнөтүлгөн, деп билдирди бүгүн, 26-июнда ӨКМдин басма сөз кызматы.
Чүйдөгү Кара-Балта шаарынын Садовая көчөсүнүн №97 дарегиндеги аянты 600 чарчы метр барак тибиндеги турак үй толугу менен өрттөндү. Адамдар жабыркаган жок. Учурда өрттүн себеби такталууда.
Ошондой эле белгисиз себептерден улам Ысык-Көлдөгү Каракол шаарынын Гагарин менен Москва көчөлөрүнүн кесилишинде 200 чарчы мерт аянттагы куураган чөп күйгөн. Адамдар жабыркаган жок.
Google Play
App Store