Акыркы сутка ичинде республиканын аймагында 31 өрт кырсыктары катталды. Аларды өчүрүүгө 37 бөлүм жөнөтүлдү, деп билдирди бүгүн, 17-июлда ӨКМдин басма сөз кызматы.
Жалал-Абаддын Сузак районундагы Ырыс айыл өкмөтүнө караштуу Лаадан Кара айылында 2 турак үйдүн жана сарайдын 295 чарчы метр чатыры, 450 түк саман күйүп кетти. Адамдар жабыркаган жок. Учурда өрттүн себеби такталып жатат.
Ошондой эле электр зымдарынын кыска туташуусунан Аксы районунун Кош-Дөбө айыл өкмөтүндөгү Чие айылында сарай өрттөндү. Өрт коңшу сарайга жайылып, чатыры күйгөн. Адамдар жабыркаган жок.
Google Play
App Store