"Амазон" интернет компаниясынын негиздөөчүсү Жефф Безос тарыхтагы эң бай адам аталды. Бул тууралуу чет элдик маалымат каражаттары жазууда. Ага ылайык, ал Билл Гейтстин 1999-жылы койгон рекордунан ашып тарыхтагы эң бай адам аталды. 1999-жылы Билл Гейтстин байлыгы 100 миллиардга жеткен.
Ал эми Жефф Безостун байлыгынын өлчөмү 2018-жылы 52 миллиард долларга өсүп, 16-июлда 150 миллиард долларды түзгөн.
Эске салсак, "Амазон" - интернет аркылуу ар кандай товарларды жана кызмат көрсөтүүлөрдү саткан дүйнөдөгү эң ири компания. Компаниянын башкы кеңсеси Вашингтон штатынын Сиэтл шаарында жайгашкан.
Google Play
App Store