Таласта кылкандуу дан эгиндерди жыйноо иштери 70 пайызга аяктап калды. Буудайдын баасы төмөн болгондуктан, дыйкандар аянтын кеңейтишпейт . Ошондуктан, суу жетпеген, кайрак жерлер же суу тартыш жерлерде гана буудайлар эгилген.
Бакай-Ата районунунда эки айыл аймакта суу тартыш көйгөйү бар болсо, анын бири ушул Шадыкан айыл аймагы. Мында 2 жарым мин айдоо жери бар. Анын миң гектардан ашык аянтына суунун жетиши кыйын. Ошондуктан, суу тартыш жерлерге минтип, көп жылдык чөп, кылкандуу дан эгишет.
Антсе да, кылкандуу дан эгиндерди мал-жанга тоют топтогон малчылар алып кетишет. Кылкандуу дан эгин Бакай-Ата району боюнча 100 гектарга айдалган. Негизи Таласта ушул күндөргө карата оруп-жыйноо иштери алгач, жаратылыш шарты ысык Манас районунда 1 ай мурун башталган.
Google Play
App Store