Cырттан келген унааларга болгон бажы төлөмдөрүнүн көлөмү азайгандан бери өлкөдө жүргөн унаалардын баасы кыйла арзандады. Маселен 2008-жылы чыккан, "Toyota Camry" үлгүсүндөгү унааны алып кирүү 960 доллар.
Бул буга чейинки төлөмдөн 10 эсе арзан. Өкмөт чет өлкөдөн кирген автомобилдердин бажы төлөмдөрүн 2014-жылдагы көрсөткүчкө чейин ылдыйлаткан токтом кабыл алган. Эми документ күчүнө кирип, 2019-жылдын 31-декабрына чейин иштейт.
25-июлдан баштап жаңы бажы төлөмдөрү иштей баштады. Эми унааны каттоо 2014-жылдагы көрсөткүчкө чейин түштү. Муну менен өкмөт жарандарды экологиялык жактан таза унаага өтүү сунушун берет. Ошондой эле, эскилиги жеткен унаалардан арылуу.
Токтом 2020-жылга чейин күчүндө турат. Андан кийин Кыргызстан ЕАЭБдин толук кандуу мүчөсү болот. Унааны каттоо уюмдун баа ченемине ылайык жүргүзүлөт. Башкача айтканда унаасын жаңыртып алууну каалагандарда бир жарым жылдай убактысы бар.
Google Play
App Store