Таластагы Манас районунун Пакровка айыл аймагына караштуу Алмалуу-Тоодо чыккан өрт кечээ кайра жанданды. Мурда жайык жерде күйүп жаткан өрт, кечээ кайра тутанып, Манас райондук "Кара-Арча" токой чарбасынын аймагына жетип 50 гектар аянтты күйгүзүп жетти.
Өрттү өчүрүүгө жергиликтүү ыктыярчылар, токойчулар тартылып, жалпы 400 адам тилсиз жоо менен күрөшүүдө.
9 күн мурун өрт чыккан Алмалуу-Тоо Манас районундагы Кара-Арча айылынан бир топ жогору жайгашкан. Андагы өрттүн түтүнү учурда коюуланып, алыстан көрүнөт.
Натыйжада 1000 гектардан ашык жайыт күйсө, кечээтен тартып, Кара-Арча токойунун 50 гектардай аянты өрткө дуушар болду. Кара-Арча айыл четинен ары карай Алмалуу-Тоого өрт өчүрүүчү ыктыярчылар 4 саатта жөө жетишкен.
Белгилей кетсек, бүгүн эртен менен Өзгөчө кырдаалдар министрлигинин Бишкектеги кенсесинен 76 куткаруучу Таласты карай жолго чыкты. Буга чейин Чүй, Жалалабад облустарынын токойчулары да өрт өчүрүүгө жардамга келишкен.
Google Play
App Store