Президент Алмазбек Атамбаев бүгүн Германиянын тышкы иштер министри, ЕККУнун учурдагы төрагасы Вальтер Штайнмайер менен жолугушуу өткөрдү. Тараптар ыкчам өнүгүп жаткан кыргыз-немец мамилелеринин азыркы абалы, келечеги тууралуу сүйлөшүштү.
Штайнмайер Кыргызстанга иш сапары менен акыркы жолу мындан он жыл мурун келген. Учурда ал расмий визитинин алкагында Борбор Азия мамлекеттерин кыдырууда.
31-марттан 1-апрелге чейин созулган үч күндүк иш сапарынын программасына ылайык, министр ЕККУнун катышуучусу болгон өлкөлөр- Кыргызстан, Өзбекстан жана Тажикстанда болот. Расмий жолугушуудан кийин Алмазбек Атамбаев менен Франк-Вальтер Штайнмайер сүйлөшүүлөрдү көзмө-көз жүргүзүштү.
Google Play
App Store