Бишкек шаарындагы "Мадина" базарындагы өрт чектөөгө алынды. Бул тууралуу Өзгөчө кырдаалдар министрлигинен кабарлашты.
Анда айтылгандай, өрттү өчүрүүгө жалпысынан алты өрт-куткаруучу бөлүм, ИИМдин кызматкерлери, Суу чарба башкармалыгынан төрт суу ташуучу автоунаа, Тез жардам кызматынан эки бригада тартылган. ӨКМге "Мадинада" өрт чыкканы тууралуу кабар 15-сентябрга караган түнү саат 22:53тө келип түшкөн.
Баштапкы маалыматтарга караганда жалын базардын Чүй көчөсү тарабындагы кездеме сактаган кампасынан тутанган.
"Мадина" базарында негизинен кездеме, жууркан-төшөк сыяктуу үй-тиричилигине керектүү буюм-тайымдар сатылат.
Google Play
App Store