Акыйкатчылыкка сунушталган талапкерлер парламенттин кароосуна жөнөтүлдү. Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин регламенти боюнча комитети Кыргызстандын акыйкатчысы кызмат ордуна фракциялар тарабынан көрсөтүлгөн беш талапкерди парламенттин кароосуна жөнөттү.
КСДП фракциясы Токон Мамытовдун талапкерлигин, “Бир бол” фракциясы үч талапкерди – Маматурайим Момуновду, Рита Карасартованы, Рыскул Бактыбаевди, “Ата Мекен” фракциясы Канат Азиздин талапкерлигин сунуштаган.
Эске салсак, мурдагы акыйкатчы Кубат Оторбаев 26-июнда өз каалоосу менен ыйгарым укуктарын мөөнөтүнөн мурда токтоткон.
Google Play
App Store