Жаңы окуу жылынан тартып Оштогу окутуу кыргыз тилинде жүргүзүлгөн Алишер Навои атындагы мектеп-гимназиясы жаңы “Достук мектеби” аталышына ээ болду. Кыргызстан, Өзбекстан мамлекеттеринин достугунун данакери аталган мектепти Өзбекстандын президенти белек кылган.
630 окуучуга ылайыкташкан мектеп 1-сентябрь билим күнүнө карата майрам ээлерине белекке берилди. Билим уясынын ачылыш салтанатына эки өлкөнүн парламенттеринин спикерлери катышкан. Объектин долбоору кыргыз, өзбек мамлекеттеринин 2017-жылдын 28-июлундагы өкмөттөр аралык макулдашуусунун негизинде ишке ашкан.
Google Play
App Store