Логистикалык борборлор дыйкандардын чарбачылыгын өнүктүрүүгө чоң салым кошуп, өндүргөн продукциясын жогору баада сатууга өбөлгө боло алат. Жалал-Абад облусунун дыйкандары жашылча жана жөмө-жемиш сактоочу жайларды куруп, азыктарын сактап, жаз айларында сатыкка чыгарууну көздөп турушат.
Ноокен районунун тургуну Расул Мараимов логистикалык борборду иштетип баштагына быйыл 3 жыл болду. 2 миң тоннага ылайыкташкан логистикалык борбор Орус-Кыргыз өнүктүрүү фондунун кыржылоосунда 13 миллион сомго курулган.
Дыйкан быйыл 200 тонна алма, 400 тонна картөшкө, 20 тонна анар жана башка жашылча жана мөмө-жемиштин бир нече түрүн сактап жатат. Расул Мараимовдун айтымында, дыйкандар үчүн логистикалык борборлорду ишке киргизүү учурдун талабы. Ал эми Базар-Коргон районунун тургуну Абдулхамит Нартажиев быйыл 40 сотых жерге коондун кыркма сортун өстүрүп, андан жакшы түшүм алган.
Google Play
App Store