Москва шаарынын соту футбол боюнча дүйнө чемпионаты учурунда жөө жүргүнчүлөрдү кокусунан сүзүп алган кыргызстандык таксистке өкүм чыгарды.
Ага ылайык, Чыңгыз Анарбек уулу 1 жарым жылга кара жумушка тартылып, айлык маянасынан 15% кармалат. Ошондой эле 3 жылга чейин унаа айдоо укугунан ажыратылды.
Айыпталуучу өз күнөөсүн моюнуна алып, өкүнгөн. Эске салсак, 16-июнда Москванын борборунда такси жолдон чыгып, тротуарда кетип бара жаткан кишилерди кокустан сүзүп алган. Анын жыйынтыгында 7 адам жабыркаган.
Айдоочу полиция кызматкерлерине кырсыкка чейин 20 саат бою рулда отурганын, газ менен тормоздун баскычтарын алмаштырып алганын айткан.
Google Play
App Store