Анын алкагында театралдаштырылган оюн зооктор, илимий практикалык конференциялар, 90-жылдыкка арналган ат оюндары, ошондой эле «Ош - Чыңгыз Айтматовдун тагдырында» аттуу салтанаттуу иш-чара болуп өттү.
Белгилүү болгондой, күнөстүү Ош менен Айтматовдун тагдыры да, үй-бүлөсүнүн тарыхы да бекем байланышкан. Мына ушул байыркы шаарда, Сулайман тоонун этегинде, Ак-Бууранын боюнда Чыңгыз Айтматовдун алтын балалыгы өткөн. Ал ордолуу Оштун бала бакчасында тарбияланган. Атасы Төрөкул Айтматовдун мамлекеттик ишмердиги касиеттүү Оштон башталып, партиянын Араван-Буура райкомунун биринчи катчысы болгон.
Өлкө башчысы өз сөзүндө, Байыркы Ош - Айтматовдун балалык кыялдарын ойготуп, анын дүйнө таанымына таасир эткен. Балким, кичинекей Чыңгыз - жазуучулуктун башатын ушул керемет шаардан алгандыр деп белгиледи. Ош калаасы Чынгыз Айтматовдун элесин кийинки миң жылдарга аздектеп сактап, урпактарга жеткирет деген үмүт ар бир шаардыктын жүрөгүндө жашай берет.
Google Play
App Store