Туруктуу элдик кеңеш “Кыргызстан: кечээ, бүгүн, эртең” деген аталышта курултай өткөрөт. Бул туурасында курултайдын уюштуруу комитетинин төрагасы Кеңешбек Дүйшөбаев билдирди. Анын айтуусунда, курултайга төрт баяндама даярдалууда.
“Биринчиси - Президент Сооронбай Жээнбековдун ишмердүүлүгүнүн жыйынтыгы боюнча баяндама жасалат. Экинчи докладда уюштуруучулар экс-президент Алмазбек Атамбаевдин алты жылдагы ишине баа беришет.
3-баяндамада 6-чакырылыштагы Жогорку Кеңештин ишмердүүлүгүнө обзор жасалат. Төртүнчү баяндамада өлкөдөгү саясий жана коомдук абал тууралуу айтылат - деди Дүйшөбаев. Уюштуруучулар билдиргендей, курултай 24-ноябрга белгиленген, ага 97 партиянын жана 20дан ашык коомдук уюмдардын өкүлдөрү катышат.
Google Play
App Store