"Иштеп жаткан жана кайра иштетүүчү ишканаларды каржылоо" долбоорунун алкагында экспорттоочуларга жеңилдетилген насыя берилет. Тийиштүү буйрукка Премьер-министр Мухаммедкалый Абылгазиев кол койду.
Аталган долбоорду өкмөт 2019-жылдын май айынан тартып ишке киргизет. Анын башкы максаты — аймактардагы өндүрүлгөн продукцияны экспорттогон жана экспортко багытталган жаңы ишканаларды ачкан ишкерлерге, финансылык колдоо көрсөтүү. Бишкек жана Ош шаарларынан тышкары, тамак-ашты кайра иштетүү жана жеңил өнөр жай тармагында өз ишмердүүлүгүн жүргүзгөн ата мекендик ишканалар, коммерциялык банктардан 3-5 жылга чейин жылдык үстөгү 8-10 пайыздык узак мөөнөттүү жеңилдетилген насыяларды ала алышат.
Буга чейинки "Экспортко багытталган жана импортту алмаштыруучу ишканаларды каржылоо-1" долбооруна салыштырмалуу жаңы долбоордо патенттик негизде ишмердүүлүгүн жүргүзгөн тигүү ишканалары үчүн жеңилдетилген насыя каражаттарын алуу укугу каралган.
Google Play
App Store