Бириккен Араб мамлекеттери Кыргызстанда экотуризмди жандандырууга кызыкдар. Анын алкагында, дүйнөлүк стандарттарга ылайык келген мейманкаларды куруу талабы турат. Бул тууралуу Бишкекте өтүп жаткан “Кыргызстан-Бириккен араб эмираттары” аталышындагы бизнес форумда бул өлкөнүн энергетика министри Сухаил Мухаммад Аль-Мазруи билдирди.
Эмираттардан келген делегациянын курамында ондон ашык ишкер бар. Жыйынга экономика министри Арзыбек Кожошев баш болгон Кыргызстандын да ишкер чөйрөсү катышууда. Тараптар негизинен айыл-чарба, өнөр-жай, энергетика тармагы боюнча кызматташууну көздөп жатат. Тагыраагы, Араб өлкөлөрү аталган тармактарга инвестиция салаары күтүлүүдө. Белгилей кетсек, эки тараптуу алака президент Алмазбек Атамбаевдин 2014-жылдын декабрь айында Араб эмираттарына жасаган расмий сапарында кайрадан жанданган. Бүгүнкү жыйын соңунда соода-алка боюнча эки тараптуу меморандумга кол коюулат
Google Play
App Store