Бүгүн, 10-июнда Ысык-Көл облусунун Ак-Суу аймактык ооруканасына тамак-ашка ууланган 19 киши кайрылды, алардын төртөө балдар. Бул тууралуу Саламаттык сактоо министрлигинин маалымат кызматы билдирди.
"Кайрылгандардын бирөө кайта жандандыруу бөлүмүнө жаткырылса, 11 киши Ак-Суу райондук ооруканасынын жугуштуу оорулар бөлүмүндө. Жети киши амбулатордук дарыланууга чыгарылган", — деп айтылат маалыматта.
Белгилүү болгондой, кайрылган бейтаптар кыз узатуу тоюна барышкан. Учурда бардыгы дарыгерлердин көзөмөлүндө жана керектүү дары-дармек менен камсыздалган.
Райондук санитардык эпидемиологиялык борбору тарабынан тийиштүү текшерүүлөр жүрүп жатат. Тамак-аштан атайын анализдер алынды.
Google Play
App Store