Тоң районунда кызганычтан аялын өлтүрүүгө шектелген жаран камакка алынды. Окуя 16-июнда Көл-Төр айыл аймагына тиешелүү сырт өрөөнүнүн Кара-Саз тилкесинде орун алган.
Үй-бүлөдө уруш чыгып, күйөөсү аялына ок чыгарган. Оор жаракаттан улам аял каза болуп калган. Окуянын чоо-жайын аныктоо үчүн милициянын ыкчам тергөө тобу жөнөтүлгөн.
Жүргүзүлгөн иликтөө иштеринин алкагында 29 жаштагы жаран жубайы менен мал багып келүү үчүн жайлоого барышканы аныкталган. 16-июнь күнү кызганычтан экөөнүн ортосунда уруш чыгып, күйөөсү аялын атып салган.
Бул факт боюнча "адам өлтүрүү" беренеси менен кылмыш иши козголуп, кылмышка шектүү убактылуу кармоочу жайга киргизилди. Эртең, 19-июнда анын баш коргоо чарасы каралат .
Google Play
App Store