Кытайдын Куньмин шаарында "ШКУ-2019" эл аралык марафонунун салтанаттуу ачылышы болду. Шанхай кызматташтык уюмунун катчылыгы билдиргендей, иш-чарага ШКУнун баш катчысы Владимир Норов, провинциянын вице-губернатору Юньнань Ли Малин, Куньмин шаарынын вице-мэри Ху Баого жана жөө күлүктөр катышты.
Ачылыш аземинин алкагында мурдагы марафондордун эсте калган көз ирмемдери чагылдырылган сүрөт көргөзмө өттү. Владимир Норов Ысык-Көлдүн жээгинде болгон марафон тууралуу өзгөчө баса белгиледи.
"Быйыл марафонду Кыргызстан Азиянын бермети болгон Ысык-Көлдүн жээгинде алгач ирет өткөрдү. Бул жарышта 27 өлкөнүн жөө күлүктөрү чуркады. Марафонду өткөрүү ШКУга мүчө мамлекеттердин кызыгуусун арттырып жаткандыгынын далили", - деди башкы катчы.
Жыйынтыгында, Норов эл аралык марафондун желегин Куньмин шаарынын вице-мэри Ху Баогого тапшырды.
Google Play
App Store