Бишкектеги Курманжан Датканын эстелигинин жанындагы жоогазын гүлдөрүн талкалап, уурдаган деп Ысык-Ата районунун Новопокровка айылынын цыган улутундагы эки тургуну кармалды. Бул туурасында милиция кызматынан маалымдашты.
Эске салсак, Эркиндик бульварындагы Курманжан Датканын эстелигинин алдына тигилген 1 миң 200 жоогазын кимдир бирөөлөр тарабынан уурдалып, талкаланганы туурасында билдирүү түшкөн.
Ички иштер башкармалыгынын кызматкерлери окуя боюнча иликтеп-тергөө жүргүзгөн. Иликтөө көрсөткөндөй, бул гүлдөрдү 40-45 жаштагы цыган улутундагы эки аял кафе-барларга кирип сатып жүргөнүн көргөндөр болгон. Дагы башка күбөлөрдүн айтымында, жоогазындарды цыган улутундагы өспүрүм балдар да жулуп жаткан.
Google Play
App Store