Нарын облусунун Ат-Башы районунда мамлекеттик ишмер, Кыргыз Республикасынын баатыры Турдакун Усубалиевди эскерүү иш-чарасы өттү.
Анда залкар адамдын басып өткөн жолу тууралуу айтылып, кыргыз элинин өнүгүшүнө кошкон зор эмгектери боюнча маалымат берилди.
Мындай эскерүү иш-чарасы райондогу бардык айылдарда өткөрүлөт. Турдакун Усубалиев кыргыз мамлекеттүүлүгүнүн калыптанышына, өнөр жай, маданий жактан өнүгүшүнө, парламенттик системанын түптөлүшүнө, ошондой эле Кыргызстанды социалдык-экономикалык жактан өнүктүрүүгө эмгеги сиңген коомдук ишмер.
2019-жылдын 2-февралында Турдакун Усубалиевдин 100 жылдыгын белгилөө боюнча Президенттин жарлыгы чыккан.
Google Play
App Store