Кыргыз ССРинин эмгек сиңирген артисти Таттыбүбү Турсунбаеванын туулган күнүнө карата эстелигине гүл коюлуп, эскерилди. Анын атын алып жүргөн гүлбакчага маданият жаатынын өкүлдөрү, жакын туугандары келишти.
Эске салсак, актриса 1944-жылдын 12-июлунда Нарын облусунун Жумгал районунда төрөлгөн. Ал 16 жашында алгачкы ирет “Салиманын ыры” фильмине тартылган болчу. Көп өтпөй Александр Островский атындагы Ташкент мамлекеттик көркөм-театралдык институтуна тапшырган. Үч жылдан соң Кыргыз мамлекеттик академиялык театрынынын чыгармачыл тобуна кошулган. Турсунбаева - Лопе де Вега, Уильям Шекспир, Чыңгыз Айтматов жана башкалардын чыгармалары боюнча 30 дан ашык ролдорду ойногон. Актриса 1981-жылы 21-декабрда 37 жаш курагында каза болгон.
Google Play
App Store