Кыргызстандык Дарья Маслова Беларусь кубогу үчүн өткөн жеңил атлетика боюнча мелдеште алтын утту. Бул туурасында аталган спорттун түрү боюнча федерациясы билдирди.
Мелдеш Брест шаарында 18-июлда старт алды. Ага катышууга жергиликтүү спортчулар гана эмес, чет элдик жөө күлүктөр да катышты. Дарья Маслова 5 миң метр аралыкты баарынан мурда чуркап өтүп, марага 15 мүнөт 55 жана жүздөн 59 секундда келди. Эркектер арасындагы жарышта кыргызстандык Нурсултан Кеңешбеков 3-орунга ээ болду. Дарья Маслова Азиянын, Азия оюндарынын жана Дүйнөлүк универсиаданын чемпиону. Бир канча күн мурда ал Бишкектеги мелдеште да алтын алган.
Google Play
App Store