Бишкек шаарында 4-кабаттан кулап кеткен 2 жаштагы кыздын абалы туруктуу.
Бул тууралуу “Биринчи радиого” шаардык тез жардам балдар ооруканасынын башкы дарыгеринин орун басары Данияр Шайбеков билдирди. Анын белгилешинче, учурда кыз жандандыруу бөлүмүндө жатат.
Кечээ, 23-июлда Бишкектеги Гагарин көчөсүндө жайгашкан көп кабаттуу үйдүн 4-кабатынан 2017-жылы туулган кыз кулап кеткен.
Бул факт Кылмыштар жана жоруктардын бирдиктүү реестрине катталды. Учурда окуянын бардык жагдайларын аныктоо үчүн ыкчам тергөө иштери башталды.
Google Play
App Store