Бишкек жылуулук электр борборун модернизациялоодогу коррупцияга байланыштуу айыпталгандарды абакта кармоо боюнча чечим өзгөрүлгөн жок.
Свердлов райондук сотунун айыпталуучуларды абакта кармоо мөөнөтүн 12-октябрга чейин узартуу тууралуу чечимин шаардык инстанция күчүндө калтырды.
Айыпталуучулардын баш коргоо чарасын өзгөртүү тууралуу адвокаттардын өтүнүчү райондук сотто канааттандырылбагандыктан, алар Бишкек шаардык сотуна кайрылышкан.
ЖЭБди модернизациялоодогу коррупцияга мурдагы премьер-министрлер Сапар Исаков менен Жантөрө Сатыбалдиев баштаган сегиз адам айыпталып жатат.
Google Play
App Store