Бүгүн, 2-сентябрда VI чакырылыштагы Жогорку Кеңештин VII сессиясы ачылып, парламент жайкы эс алуудан кийин ишин баштады.
Жогорку Кеңештин басма сөз кызматынын маалыматына караганда, бүгүн-эртеӊ парламенттин тармактык комитеттеринин жыйындары башталат.
VI чакырылыштагы азыркы парламент 27-июнда VI сессиясын аяктап, жайкы эс алууга тараган. Жогорку Кеңештин регламентине ылайык, депутаттар 1-июлдан тартып өлкө аймагындагы шайлоочулар менен жеринде иш алып барышмак. Ал эми август айында эмгек өргүүсүнө чыгышкан.
Учурдагы чакырылыштын депутаттары 2015-жылы күзүндө шайланган. Анда алты фракция бар. Бул чакырылыштагы парламенттин мөөнөтү 2020-жылы аяктайт.
Google Play
App Store