Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитети бүгүн, 9-сентябрдагы отурумунда билим берүү жана илим министри кызматына Каныбек Исаковдун талапкерлигин жактырды.
Комитеттин отурумунда талапкерди вице-премьер-министр Алтынай Өмүрбекова тааныштырды. И.Исаковду аталган кызматка 6-сентябрда премьер-министр Мухаммедкалый Абылгазиев сунуштаган болчу.
К.Исаков Ош мамлекеттик университетинин ректору болуп эмгектенип жатат.
Жаңы окуу жылы башталганда, тактап айтканда 4-сентябрда мурдагы билим берүү жана илим министри Гүлмира Кудайбердиева отставкага кеткен.
Google Play
App Store