9-сентябрь күнү саат 14:30 чамасында Ч. Айтматов проспектисинин №135 дарегинде (Киргизия-1 жаңы конушунун тушунда) №8 маршрутундагы жүргүнчүлөрдү ташыган автобус менен “Шкода Октавия” жеңил унаасынын катышуусунда жол кырсыгы катталган.
Жол кырсыгынын кесепетинен 4 эркек адам (2002-ж.т. Б.Б., 2002-ж.т. К.А., 2002-ж.т. Ж.Э., 2002-ж.т. А.Б.) каза болуп, 1 эркек адам (1989-ж.т. Б.А.), 3 аял киши (1960-ж.т. Б.Г., 2000-ж.т. А.кызы Н., 1998-ж.т. Т.Б.) жана 3 жаш кыз (2004-ж.т. Ж.Н., 2004-ж.т. Э.А., 2010-ж.т. М.Н.) жабыркаган.
Куткаруу кызматынан 5 куткаруучу, ИИМдин Жол кыймылынын коопсуздугун камсыздоо башкы башкармалыгынан ыкчам тергөө тобу, тез жардам кызматынан 4 бригада окуя болгон жерде иш алып барды.
Куткаруучулар каза болгондордун жансыз денелерин унаадан чыгарып, ИИМ кызматкерлерине өткөрүп беришкен. Ал эми жабыркагандар тез жардам кызматы аркылуу ооруканага жеткирилген.
Google Play
App Store