Бишкек шаардык милиция кызматкерлер адашып калган окуучуну үйүнө кайтарышты. Бул тууралуу ШИИБдин басма сөз кызматы билдирди.
Кечээ, 10-сентябрда болжол менен саат 12:30да «102» кызматына «Ала-Тоо» борбордук аянтында кичинекей бала табылганы тууралуу чакыруу түшкөн. Ал бала мектептен үйүнө кайтып бара жатып, адашып калган.
Чакыруу түшкөн жерге Бишкек ШИИБдин Патрулдук-посттук кызматынын мобилдик батальонунун кызматкерлери менен Биринчи РИИБдин өспүрүмдөр менен иштешүү инспекторлору барган.
«Шаардагы мектептердин биринде 2-класста окуган 8 жаштагы Б.Э. аттуу окуучу үйүнө бара жатып адашып калган. Милиция кызматкерлери жоголгон баланын жашаган дарегин аныктап, кызматтык унаада аны ата-энелерине өткөрүп беришти», - деп айтылат маалыматта.
Google Play
App Store