Бишкектеги Эски аянтта ачык асман алдында "Tengri Music" деген аталышта классикалык жана джаз музыкасынын фестивалы өттү. Иш-чара 14-сентябрдын кечинде болду. Фестивалда борбор калаанын тургундары жана жашоочулары Москва мамлекеттик симфониялык оркестринин жана Петр Востоковдун джаз оркестринин аткаруусунда дүйнөлүк классикалык чыгармаларга күбө болушту.
Фестивалдын уюштуруучуларынын айтуусунда, бул иш-чара аркылуу шаардыктарга маданий эс алуу тартуулоо максатын көздөйт. "Tengri Music" фестивалы Кыргызстанда бир нече жылдан бери өткөрүлүп келет. Акыркы жолу бир ай мурун Ысык-Көлдүн жээгинде уюштурулуп, ага ЕАЭБге мүчө мамлекеттердин өкмөт башчылары күбө болушкан.
Google Play
App Store