Ысык-Көл облусунун Тоң районунда кар көчкү алдында калган чабандар аман-эсен табылды. Өзгөчө кырдаалдар министрлиги билдиргендей, 6-октябрдын кечинде Төрт-Көл айылындагы Тоң ашуусунда кар көчкү түшкөн.
Натыйжада мал айдап келе жаткан эки чабан кар алдында калган. Алар өз аракеттери менен чыгышкан. Кырсык болгон жерге Өзгөчө кырдаалдар министрлигинин 6 куткаруучусу, тез жардам кызматкерлери жана жергиликтүү эл барышкан. Малчылар райондук ооруканага жеткирилген. Учурда алардын абалы канааттандыраарлык. Алардын мал жандыгы жабыркаган эмес.
Google Play
App Store