Үстүбүздөгү жылдын 18-октябрында УКМК тарабынан ИИМ менен биргеликте өлкө аймагына кирүүгө тыюу салынган эл аралык террористтик уюмдардын (ЭТУ) катарына рекруттарды жөнөтүү каналдарына бөгөт коюу максатында жүргүзүлгөн ыкчам-издөө иш-чараларынын алкагында 1994-жылы туулган Кыргызстандын жараны Д.А. кармалды.
Такталган боюнча, кармалган Д.А. эл аралык террористтик уюмдун лагеринен атайы диверсиялык-террористиик даярдыктан өтүп жана башчысынын тапшырмасы боюнча террористтик иш-аракеттерди аткаруу максатында Кыргызстандын аймагына келген.
2016-жылдан бери аталган жаран Кыргыз Республикасынын Кылмыш-жаза кодексинин “Жалданмачылык” беренеси боюнча издөөдө жүргөн. Кармалган адам Жалал-Абад шаарынын ОИБ убактылуу кармоочу жайына киргизилди. Азыркы учурда ыкчам-тергөө иш-чаралары жүргүзүлүп жатат.
Google Play
App Store