Фискалдаштыруу салыктык топтоо түзүмүн түп тамырынан өзгөртүп, мамлекеттин кирешесин арттырат. Бул тууралуу Премьер-министр Мухаммедкалый Абылгазиев Жогорку Кеңештин жыйынында билдирди. Анын айтымында, Кыргызстанда каттоодон өткөн 258 миң салык төлөөчү бар. Алардын ичинен 98,1 пайызы чакан ишкердик, 1 пайызы орто бизнес, 0,9 пайызы ири бизнес чөйрөсүнө тиешелүү.
Маалыматка ылайык, чакан бизнестен 18% салык түшсө, орто бизнестен - 5% түшөт. Ал эми болгону 0,9 пайызды түзгөн ири бизнестен - 77% салык түшөт. Өкмөт башчы билдиргендей, бул көрсөткүчтөр салыктык процедураларды электрондук фискалдаштыруу тутумун киргизүү боюнча күч-аракеттерди мындан ары карай активдештирүү зарылдыгын күбөлөндүрөт.
Google Play
App Store