Мамлекет башчысы ушул эле эл аралык конференцияда сүйлөгөн сөзүндө, бир дагы жеткинчек бала светтик илимден четте калбоосу керектигин белгиледи. Өлкө башчысы баса көрсөткөндөй, Конституциянын 45-беренесинде „негизги жалпы билим алуу милдеттүү“ деп так жана даана жазылып турат. Ошондуктан медреседе болобу, чиркөөдө болобу, диний билим берүү иш-аракети мамлекеттик негизги жалпы билим алууга кедерги болбошу керек - деди Сооронбай Жээнбеков.
Ал ошондой эле, коомдун тынчтыгын камсыз кылууну мамлекет өз мойнуна алганын айтып, көп сандаган жаңы агымдар, секталар, мазхабдар жана тарикаттар пайда болду. Диний себептер менен бөлүнүп-жарылууга, диний сабырсыздыкка, албетте, диний экстремизмге тыюу салынат. Өлкөбүздүн тынчтыгын, коомдун биримдигин - мамлекет бардык зарыл болгон каражаттарды колдонуу менен коргойт - деди.
Google Play
App Store