Казакстандын президенти Касым-Жомарт Токаевдин Кыргызстанга болгон мамлекеттик сапарында эки өлкөнүн ортосундагы экономикалык кызматташтык талкуулана турган негизги маселелердин бири болмокчу. Акыркы жылдары эки тараптуу соода жүгүртүүнүн, коңшу өлкөдөн келген инвестициянын көлөмү көбөйгөнү менен, көрсөткүч дагы деле жетиштүү деңгээлде эмес дешет адистер. Кыргызстан менен Казакстан бири бирине товарлардын 50дөн ашык түрүн экспорттошот.
Соода жүгүртүүнүн көлөмү акыркы 2 жылда тез ыргак менен өскөнү байкалды. Экономика министрлиги быйыл бул көлөм 10 пайызга өскөнүн билдирүүдө. Соода жүгүртүүнүн көлөмү ар жыл сайын жогорулап жатканына эки өлкөнүн Евразия экономикалык биримдигине биргелешкен мүчөлүгүнүн да таасири бар.
Google Play
App Store