Кыргызстандык жөө күлүк Дарья Маслова 1-декабрда Испаниянын Валенсия шаарында өткөн эл аралык лицензиялык марафондо олимпиадалык нормативди аткарып, Токиодо 2020-жылы өтүүчү Олимп оюндарына жолдомо алды. Бул тууралуу Жаштар иштери, дене тарбия жана спорт боюнча мамлекеттик агенттиги билдирди.
Дарья Маслова аталган марафондо 2 саат 28 мүнөт 19 секундда марага жеткен. Ал эми олимпиадалык норматив 2 саат 29 мүнөт 30 секундду түзөт. Учурда кыргыз спортчулары 2020-жылы Токиодо өтө турган Олимп оюндарына жалпысынан беш жолдомо алган. Алар: балбандар Айсулуу Тыныбекова, Атабек Азизбеков, сууда сүзүүчү Денис Петрашов жана жеңил атлет Юлия Андреева.
Жаштар иштери, дене тарбия жана спорт агенттиги билдиргендей, жайкы Олимпиадага 20дай спортчунун лицензия алууга мүмкүнчүлүгү бар.
Google Play
App Store