Санкт-Петербургда Кыргызстандык Токтогон Алтыбасарованын эстелиги орнотулат. Токтогон Алтыбасарова согуш жылдарында Ленинград блокадасында 150 баланы баккан.
“Петербургдан мындай жагымдуу кабарды укканыма кубанычтамын. Ошол кездеги чоң өлкөнүн эли бир эле чоң үй-бүлөөдөй болушкан. Мен ошол жылдары блакадачылардын үй бүлөөсүндө төрөлүп кийин Орто Азияга кеттик. Ал жактан ар кандай үй-бүлөөнүн балдарын көрдүм. Ошол балдарды баккан бул аял Борбор Азия элдеринин жалпы эрдиги. Эгер мындай эрдиктер унутулуп калса, адилетсиздик болмок. Ушул улуу кыргыз аялына өзүнчө көңүл бурулганы жакшы болду” - деп жазган белгилүү орус акыны Михаил Синельников.
Белгилей кетсек буга чейин, Алтыбасарованын уулу Марат Абдиев массалык маалымат каражаттарынын бирине маек берип, анда Санкт-Петербургдун мэриясы жана коомдук уюмдар менен биргеликте согуштун 75 жылдыгына карата эстелик орнотуу боюнча сүйлөшүүлөр жүрүп жатканын билдирген. Анда, эстелик Томск шаарында даярдалаарын жана эскизи жөнөтүлгөнүн билдирген.
Google Play
App Store